母親節等待女兒驚喜 梁詠琪「留肚」食愛心早餐

梁詠琪（Gigi）前日與劇集《反起跑線聯盟》小演員「瑤瑤」張曦晨、「Martin」植海維及「Billy」徐立德，齊齊出席母親節活動。提到周日便是母親節，Gigi透露已暗示想女兒Sofia炮製愛心早餐給她，她更揚言母親節前一晚便會留肚，期待嘗試囡囡的廚藝。

Gigi與劇中女兒「瑤瑤」一起出席Gigi丈夫Sergio代理的西班牙童裝品牌活動，「瑤瑤」一見Gigi即問她：「你有無193（ERROR成員郭嘉駿）咁高呀？」Gigi搞笑回答︰「當然無佢咁高啦。」Gigi表示在第五波疫情下，已久未出席公開活動，抗疫期間亦很少外出，大多在家焗麵包及整甜品，「囡囡見我成日喺屋企，以為我唔使做嘢，直至我哋一齊睇《反起跑線聯盟》，佢先知我有工開。」

為乖女考慮唱快歌

至於母親節，Gigi笑言已暗示想女兒煮早餐做禮物：「其實我無食過Sofia煮嘅嘢，趁今次畀佢試下。我決定星期六晚乜都唔食，等星期日朝早食佢炮製嘅早餐，希望唔會太難食，同埋唔會將廚房搞到亂七八糟。」她指過往女兒都會做手工做母親節禮物，「不過佢跳舞叻過畫畫，最鍾意韓文快歌；反而佢覺得我啲慢歌係sad song（傷心的歌），所以我都考慮唱快歌。」

另外，有傳Gigi與鄭中基及MIRROR成員呂爵安主演的賀歲片《闔家辣》，將於七月暑假檔期上映，Gigi表示不清楚映期，但亦希望盡快上映，屆時與老公、囡囡入戲院欣賞。她說：「雖然老公唔識廣東話，喜劇唔一定聽得明，有時估估下仲好笑。」

採訪︰Pauline

美術︰梁政敏

攝影︰林良明