陪仔女過復活節 鍾嘉欣憶兒時一星期洗一次頭

日前宣布懷有第三胎的鍾嘉欣，昨日於社交網上載兩張新相，原來她趁住復活節假期，帶同一對仔女Kelly和Jared到遊樂場遊玩。相中見兩個小朋友興奮地玩旋轉木馬及釣魚遊戲，玩得不亦樂乎；貪靚的Kelly更戴上粉紅色珠珠頸鏈及手鏈，非常可愛。

另外，嘉欣最近在個人YouTube頻道分享成長故事，她形容自己小時候非常內斂︰「我唔講嘢㗎！記得我中學嘅時候，成日着一條朱古力色工人褲、戴圓形眼鏡、頭髮一個星期洗一次，所以（個頭）好油。」她又憶述當時會在父母上班後，偷偷將媽媽的絲巾掛在身上，「嗰時我好想做朱茵…同埋我覺得周慧敏拍劇個古裝頭好靚，我就跟住綁，仲要喺阿媽張床度耍劍。」