櫻桃小丸子八達通3D配飾 浴衣造型可愛

各位小丸子粉絲注意！黛安聽聞，八達通卡有限公司將推出成人版「櫻桃小丸子3D八達通配飾」，小丸子系列八達通配飾設有3款造型，分別係小丸子、花輪同學及野口同學，每款售$188（不設按金及儲值額）。

3個角色都着咗浴衣一齊參加花火大會，佢哋仲各自買咗粟米、棉花糖同扇，造型好可愛，而且每款都配有一條與浴衣設計同款嘅精美掛帶鎖匙扣，用家可以將八達通配飾掛喺隨身物件或袋上，做裝飾之餘，亦方便大家用八達通付款。

八達通銀包客戶即日起上午10點至本月19日下午5點，就可透過八達通App優先預訂呢款八達通配飾，兼享免郵費優惠。預訂產品會喺下月4日起，由香港郵政陸續派遞，每個八達通銀包帳戶每款限購1個。另外，呢個系列八達通配飾喺今個月27日起，亦會喺全綫7-Eleven便利店公開發售，小丸子粉絲記得去搶購喇。