《金宵2》天台全裸 陳山聰揭無清場逾30人圍觀

無綫劇《金宵大廈2》正熱播，陳山聰於星期二播出一集中在天台露股，前晚播出一集更有近鏡，相當矚目。向來身形fit爆的他，昨日出席活動時，卻略嫌當時身形未夠好，並透露拍攝時有30多人圍觀；他又自稱是TVB有名的「露體狂」，姚子羚與黃智雯都收藏了他只穿內褲的照片，笑言不能夠「行差踏錯」。

陳山聰昨日到觀塘出席消費券活動，問他會如何運用一萬元消費券？他說︰「其實都係買嘢畀小朋友，買食品同日用品多；依家個仔開始大，都會買啲書同埋有趣味嘅教育用品。」向來是潮人的山聰，以往經常花費在潮物上，問現時是否少了買衫？他直言︰「都真係無乜點買，不過最近劇集出街，宣傳期就需要多啲衫，但有贊助就好啲。」

提到在《金宵2》中，山聰全裸伏在天台相當震撼，他日前於IG強調是親身上陣；不過山聰昨日笑言當時的身形不是最佳狀態，他說︰「要等健身室開番，加把勁操fit個身形。不過拍攝呢場戲算係自己最瘦嘅時間，因為之前拍緊《超能使者》，都有啲騷肌戲要操到好fit，知道《金宵2》要拍呢場戲嘅時候，仲邊敢食嘢！（考慮拍全裸寫真？）同仔仔一齊影過半裸，全裸就暫時唔需要啦。」山聰又透露自己的「八月十五」曾被美顏︰「始終pat pat位有個印，所以要加番啲效果。其實拍呢場戲嘅時候無清場，成個天台有30幾人圍觀，真係『天台的月光』喇。」

自認「TVB露體狂」

山聰又自稱是TVB有名的「露體狂」，經常貪方便在化粧間換衫，而沒有進入獨立更衣室，好友姚子羚與黃智雯均有拍下他只穿內褲的照片。山聰笑謂︰「有時因為驚啲化粧品整污糟件衫，所以換衫嘅時候都會加番個頭套，但佢哋話就算睇唔到個樣，都知道嗰個係我，所以真係唔可以得罪佢哋。」

採訪︰Pauline

攝影︰林良明