癡心情長︳唐鶴德19年毋忘摯愛哥哥張國榮 無間斷出帖：人間的四月天是暖

今天係4月1日愚人節，2003年嘅今日，係巨星張國榮（哥哥）離世嘅日子，當年唔少人都希望呢個噩耗只係一個玩笑。19年匆匆過去，哥哥卻從未「離開」過。「一生摯愛」唐鶴德（唐唐）從來未忘哥哥，低調嘅唐唐今日準時發文，Post二人從未曝光舊照。

同場加映：飛虎3壯志英雄丨蔡思貝認表裡不一軟弱時需要陪伴「事業未成唔會諗結婚生仔」

{{hket:ul-video id="5494"}}{{/hket:ul-video}}

{{hket:inline-image name="20200401001562.jpg"}}{{/hket:inline-image}}

唐唐自2016年開始，每年必定喺張國榮嘅生日與忌日Po文，哥哥逝世19周年嘅今天亦冇例外。相中唐唐貼近哥哥，微風吹亂哥哥嘅頭髮，二人面上帶笑，唐唐寫下：「人間的四月天是暖、是愛、是希望，大家齊心，這個艱難的時刻後就是光明。」悼念哥哥同時為香港市民打氣，令粉絲好感動，紛紛表示多謝佢嘅正能量，亦有唔少粉絲說一直等唐唐出Post，又憑歌詞（《共同渡過》）寄意安慰唐唐，「活在你心內，分開也像同渡過。」

張國榮將遺產全部留畀伴侶唐鶴德，唐唐亦將哥哥留畀佢嘅所有嘢保存落嚟，包括當年二人嘅加多利山愛巢，仲有哥哥送畀佢嘅生日禮物「DC339」黑色Benz。

另外，由於疫情的關係，以往外地來港拜祭的「哥」迷都無辦法成行，只能遙距送上祝福，讓香港的粉絲們做代表送上寶福山。「哥哥」生前好友兼經理人陳淑芬（陳太）特別訂製精緻氣球花盒，把祝福送給遠方的故友，願他一切安好，而陳太的兒子家豪一早便抵達寶福山，帶備哥哥生前最愛的食品及鮮花拜祭。寶福山上花海一片，長情的粉絲們為哥哥製作千羽鶴，以表達對偶像的思念。明年是張國榮逝世二十周年，陳太正緊密籌備紀念活動，期望疫情盡快過去，讓世界各地的「哥」迷都可以共聚香港，一起繼續寵愛哥哥張國榮。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：黃蘊姿