自爆酒後失言 曾志偉去上山詩鈉婚禮叫嘉賓默哀

曾志偉、錢嘉樂前晚帶領丁子朗和林秀怡主持綜藝遊戲節目《講你都唔信》，嘉賓有「森美旅行團隊」森美、麥美恩和吳若希，力撼「食腦三子隊」的何廣沛、郭子豪和方紹聰（奶仔）。眾人大談「飲醉酒經歷」，自嘲「飲乜酒都醉」的志偉，曾因醉酒失言，他說︰「我去好友上山詩鈉嘅婚禮，佢叫我上台致辭，但當時我飲醉咗，喺台上叫嘉賓『一齊起立默哀』。」令眾人十分譁然。

吳若希則自爆初入行拍古裝劇的經歷，劇情講述她要被綁手綁腳浸豬籠，豈料當她「上水」後，工作人員竟連人帶籠將她放在一旁，「我喺度諗係咪仲有鏡頭要補呢？嗰時天氣好凍，我被綁住又成身濕晒，但我好安靜咁等。等等下唔對路，啲人開始執嘢，咁我咪大叫，終於有人發現我，但已經等咗45分鐘。」