首度拍劇做人妻 許靖韻夥李璨琛演「床戲」

由林峯、黃浩然及周秀娜等主演的網劇《黑金風暴》現正熱播，其中許靖韻（Angela）以演員身份驚喜亮相，飾演李璨琛的老婆徐咏詩。雖然Angela有拍戲經驗，但卻是第一次拍劇，她指拍劇的節奏比電影快，對白也相對地多。Angela又表示這是首次「做人老婆」，拍攝前十分緊張，「拍之前我有睇呢個劇嘅演員，都係非常資深，所以同咁多前輩合作係非常緊張。李璨琛好好人，一路同我傾偈、對劇本、對戲，令我成個感覺放鬆咗好多。」

談到拍劇趣事，Angela笑言有日到達拍攝現場，突被告知要拍攝「床戲」，嚇了她一跳。她說︰「見到工作人員將間睡房set得好好，之後佢哋同我講『吖！陣間有床戲。』最後其實唔係真係床戲，只係大家背對背瞓覺，係無身體接觸嘅床戲，哈哈！」