楊潮凱在2009年報讀第23期無綫藝員訓練班而入行,其後得監製戚其義和編審周旭明賞識,參演劇集《天與地》而為人所熟悉。他最近接受由林盛斌(Bob)主持的節目《人夫放假約出去滾》訪問,大談工作與家庭,原來他是一個好好先生。
同場加映:《東張西望》正義女神丨利穎怡背負家人反對追逐演員夢 驚住採訪:我哋嘅幫忙微不足道
楊潮凱在2013年與初戀女友Michelle結婚,2018年Michelle誕下女兒楊心悅,楊潮凱說:「如果我冇遇到佢,可能我而家係一個Playboy。因為我好彩,所以我會更珍惜去維繫呢段關係;好似我去咗美國讀書,鬼妹喎,正啦,朋友叫我去試吓,真係有返去諗,但我諗完,我寧願後悔我冇做,好過我後悔有做,因為做咗個傷害性會好大……可能佢(太太,當時女友)唔知,但我呢度(指著心口)會有,我唔係好識得喺佢面前扮冇嘢,如果我當年做咗,呢10幾年我要帶住呢個遺憾。」
【我要做業主】楊潮凱公屋出身買樓全靠精明老婆 與教師太太相愛18年互相扶持【下一頁】
與太太由相識至今,已經20個年頭。回想求婚的一刻,楊潮凱說:「我買咗個中式盒仔,4個錦囊,我寫咗字條放喺錦囊入面,我同佢講『呢24小時開始,你搵唔到我,你攞住呢個錦囊,每隔4個鐘就開一個錦囊,你就跟住去做。』,而我就同兩個兄弟飛去台灣,set up我求婚用嘅嘢,而錦囊係叫佢做攞護照、去機場呢啲嘢,佢就一個女仔飛去台灣,我就喺台北機場接佢。我朋友幫我去天燈店買天燈,寫『一生一世,可唔可以嫁畀我』呢啲字。之後我扮肚痛,其實去換咗套紅色禮服,我叫天燈店老闆娘帶佢出嚟;出到嚟,點火,天燈一升起,我就拎住束花求婚,佢感動到喊,我冇喊,因為成程都攰。」Bob忍不住說:「嘩!好猛料喎!真係記一世!」他坦言自從女兒出世後,更令他珍惜家庭。
楊潮凱寵愛初戀17年從不鬧交 才子做TVB沒出路 為一事撐下去【下一頁】
屋邨長大的楊潮凱一向都很乖,不煙不酒,只愛結他,但童年時的他,不愛讀書,就連中五也要重讀,兩次的會考成績分別是10分和11分,他以兩次會考合共最好的成績升讀中六,楊潮凱說:「升上中六嘅第一日,我開始發奮,之後入咗城市大學主修創意媒體。」從來沒有想過做演員的他,直到大學的第3年,要到美國做交流生,他說:「嗰4個月係我人生最開心嘅時光,學演戲、拍菲林、讀音樂,老師當時叫我留低深造,但因為學費太貴,老師叫我喺香港睇吓有冇機會做演員,係佢令我記住我有talent(才華),咁啱藝員訓練班開,而且又有津貼,我先入咗行。」
好聲好戲|楊潮凱唔滿意演出過火當場爆喊 拍檔老友孫慧雪:係我連累咗你【下一頁】
在訓練班期間,楊潮凱表示未扮演過死屍,「頭兩、三年嘅生涯,做過路人甲乙丙、群眾,間中有一、兩句對白。我唔算捱得好耐,我哋4月畢業,7、8月我就拍《天與地》,做陳豪後生版。」當時被傳媒訪問,觀眾的留意,令他感到很開心,他說:「我媽同我都會剪低關於自己嘅報道,唔係話虛榮,而係我覺得自己努力係有人留意到,對阿爸阿媽都有個交代,但我自己都會有啲虧欠父母。最深刻一次,我媽問我有冇提名,我話冇,真係答唔到,阿爸就覺得最緊要有嘢做,佢哋兩個對我嘅支持真係冇得輸。」
【法證先鋒IV】 楊潮凱扮智障人士演技大突破 專情男與初戀女友結婚做女兒奴【下一頁】
對於父母的支持,楊潮凱多次哽咽,他說:「父母冇要求過我畀啲咩佢哋,但每次都好似……可能做呢行,好多時好無力,你唔知道點樣可以再行前一步,有時候自己拗氣,有時都諗住係咪好多嘢可以妥協,但原來唔得,所以我都好多謝佢哋無限量支持,令我走出來試好多唔同嘢。」
撰文:黃曉妍
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】