鍾嘉欣楊潮凱相識12年期待合作 無奈呻：「女人真係輸蝕呀」

鍾嘉欣在有份主演的無綫劇集《星空下的仁醫》中，其演技得到讚揚，早前她專誠由加拿大返港，出席《萬千星輝頒獎典禮》，並獲頒「馬來西亞最喜愛TVB女主角」。留港期間，嘉欣相約好友楊潮凱聚舊，她表示與對方相識於《點解阿Sir係阿Sir》，數數手指，他們已經相識12年。

同場加映：閃電傳真機丨張沅薇趁兩個仔長大復出幕前 常被認出最愛聽到：細細個就睇你

{{hket:ul-video id="5201"}}{{/hket:ul-video}}

{{hket:inline-image name="273430067_1414366315671817_5552962156086877321_n.jpg"}}{{/hket:inline-image}}

在2010年拍攝《阿Sir》時，潮凱飾演學生「伍家義」，他笑說：「我做你學生，但我同你係同年。」嘉欣說：「女人真係輸蝕呀！」潮凱安慰對方：「唔關事，本身你個樣好成熟。」嘉欣指自己雖然是一個慢熱的人，很少跟演員做朋友，不過當潮凱主動跟她聊天，她又會跟他一起鬧，「你（潮凱）畀到一個安全感我，仲有好舒服、好傻豬嘅感覺，令到我都有少少想傻豬落去。」

星空下的仁醫｜鍾嘉欣喪子爆喊戲令觀眾感虐心 「做媽咪後喊戲深層次咗…」【下一頁】

潮凱憶述拍攝賀歲片《72家租客》時首遇嘉欣，當時大讚對方為人十分親切，他說：「你做學友哥嘅女（更正：鍾嘉欣飾演曾志偉女兒），當時要搵一啲人做學友哥替身，（劇組）11點鐘打畀我，『學友哥要收工，你哋嚟（做替身）。』我換咗衫之後，喺入面等，跟住見到鍾嘉欣坐喺度，我唔敢講咁多講嘢，於是坐埋一邊，但你就好nice，同我『Hello』、『你飲唔飲維他奶？我叫人出去買，你要唔要？』，因為好凍，我記到今日。」沒有將此事放在心上的嘉欣，聞言後感到很愕然，「原來某啲嘢係觸動到人哋嘅心，留下少少印象。」潮凱續說：「我記得我哋嗰晚都傾咗好耐偈，因為出面拍咗好耐都未到我哋埋位，你又會講吓加拿大。」兩人的情誼由此時建立。

萬千星輝頒獎典禮2021丨鍾嘉欣睇化獎項失視后未感失望 繼續努力：或者10年後會有機會【下一頁】

嘉欣指自己是一個貪玩之人，所以很喜歡參與遊戲節目，她說：「我好鍾意以前嘅遊戲節目，例如我掟啲嘢落你個嘴度，你要食到；每次有遊戲節目問我，我第一時間係say yes，但人哋唔覺得我咁貪玩。」但她一臉失落地表示從沒參與過《獎門人》系列遊戲節目。提到潮凱早前執導電影《喜歡妳是妳》，獲《第18屆香港亞洲電影節》頒發「觀眾票選最佳電影」，以及榮獲英國 North East International Film Festival  LGBTQ+ 最佳電影（Best LGBTQ+ Film），嘉欣聞後替他感到十分高興，她說：「呢部戲係咪有機會再上映？因為我miss咗第一次，當時隔離緊，我想睇，等DVD或者會再上映，或者拍2（《喜歡妳是妳2》），又或者拍另一套有我，啱角色，我會同你玩。」潮凱開心地說：「可以呀，你肯參與梗係好啦！」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}