袁偉豪呻高調娶張寶兒惹負評

近日袁偉豪為林盛斌（Bob）主持的J2節目《人夫放假約出去滾》任嘉賓，談到他於前年年尾與張寶兒結婚，他直言是不想重蹈覆轍︰「上一段感情本身想低調，但因為記者發現或者有人通風報信，唔知點對策，事業上升時只能夠講我哋係好朋友。」惟他多年後事業穩定，欲承認拍拖卻大感無奈︰「啲人就會比較，話我嗰時（上一段感情）唔係咁講，明明上一個好低調，依家呢個就曬恩愛，大佬呀唔關我事，你哋想我點啫？」

另外，由於太太出身富裕，網民嘲諷兩人女尊男卑，袁偉豪稱︰「啲人覺得我同個環境幾好嘅女仔結咗婚就唔使做，啱啱拍拖時好多負面消息喺寶兒嗰邊，結婚後就輪到佢安慰我，佢係我心靈上可以依靠嘅人。」