婚姻再亮紅燈？︳張致恒太太呻第三胎不受歡迎 網民隔空安慰 勸勉正面樂觀

張致恒（Steven）上月遭老婆雯雯單方面宣布離婚，幸好事隔三日後箍煲成功，並透露家中將會有新成員出現，Steven更重申五口之家會繼續「一起走下去」，看來一切事情得到完滿解決。可是昨日雯雯又在社交平台大吐苦水，呻第三胎不受歡迎又得不到祝福，更無人關心與問候，矛頭疑似同時指向老公Steven及身邊人，令外界猜測婚姻又亮起紅燈。

同場加映：曬ya馬拉moi丨 張慧儀為保護心臟病養子做長氣媽 Hanson性格太單純：唔鼓勵拍拖

{{hket:ul-video id="5312"}}{{/hket:ul-video}}

{{hket:inline-image name="1024_cdd17be8ef0b4e37c17c7bc93a8396afsaasftp20200221.jpg"}}{{/hket:inline-image}}

{{hket:inline-image name="272993325_445004507337751_5083850444374074357_n.jpg"}}{{/hket:inline-image}}

其實雯雯今個農曆年期間，曾玩直播同網民傾偈，直認懷孕已達一半孕期，即大約5個月時間，但未有透露胎兒性別。當日被追問是否沒避孕時，雯雯有點火說：「呢個問題重要咩？無論如何都係一份福氣。（有勇氣！）冇勇氣㗎，但都係一份禮物嚟嘅。（驚冇書讀？）呢個世界冇絕路，轉變就得。（日前為何提出離婚？）唔講啦，要講嘅都講咗。過年唔好講呢啲！不過的確有啲人，見到你唔好就好開心咁。」直播鏡頭同時見到Steven坐在旁邊，十足「居家男」般照顧大仔天寶同細仔天牧，一家人開開心心過新年。

張致恒太太直播爆懷孕約5個月 雯雯：避孕呢個問題重要咩？【下一頁】

想不到相隔兩個多星期後，雯雯在IG上載超聲波照片並表示：「To:踢踢，就算沒有歡迎，沒有祝福，沒有期待，沒有關心，沒有問候。我心裏依然係最想見到你嗰個，你一定要爭氣，健健康康出嚟見兩個哥哥。媽媽的心底話。」文字可謂毫無修飾，直接表達她懷孕心情，聲稱未出世的小朋友不受人歡迎，更嚴重是無人祝福及期待，還得到不到問候和關心，在發洩個人不滿情緒外，疑似夫妻間又出現問題，惹外界猜測婚姻再亮起紅燈。

（↓點擊圖片放大↓）

網民看完雯雯的post後分別送上慰問，「而家呢個時候，都不及一家人齊整健康。其他嘢唔使理。加油。媽咪唔易做」、「加油，撐過就可以」、「有歡迎有期待有關心有問候，我都期待見到踢踢，保持正面樂觀，加油呀，雯雯」、「加油，保持心境開朗」、「不要理會別人，努力做好媽媽的角色，歡迎小生命快降臨，小天使一定要健健康康，快樂的長大！」、「be strong」及「戥你開心，只要一家人喺埋一齊，其他嘢都不再重要」等等。至於Steven暫時未見有表示，日前在IG曾上載一張牛食草的相，並輕鬆寫上：「住村屋嘅好處係空氣真係好好，仲可以得閒睇吓牛牛添，每日四五點左右啲牛就會喺我門口食草！」

娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="af67c90a-3b52-4522-9e3d-e5d0b6987ef3_600.jpg"}}{{/hket:inline-image}}

{{hket:inline-image name="8b77edc5-7914-4c3f-bbb1-1faaffd3a3cc_600.jpg"}}{{/hket:inline-image}}

{{hket:inline-image name="e4356b4d-c11e-41a6-bdd9-a9e3ca2efe9d_600.jpg"}}{{/hket:inline-image}}