張致恒努力「改變」雯雯奉為偶像 「喺我同兩個仔心目中已經贏晒」

由鍾培生（Derek）主辦的《培生擂台：無敵盃2021 WE ARE CHAMPS 2021》日前開打，當日另一場由張致恆（Steven）與Youtuber大J對戰嘅賽事同樣備受關注。賽前過磅時Steven比規定的70kg超重3.5kg，雙方曾就體重問題在後台炒大鑊，擂台未打台下先開火，早就火花四濺。

同場加映：自認壞爸爸│黎諾懿入行18年明白機會莫強求 見MIRROR興起籲無綫勿故步自封

{{hket:ul-video id="4170"}}{{/hket:ul-video}}

{{hket:inline-image name="20.JPG"}}{{/hket:inline-image}}

Steven當日賽前表示最初只為出場費而來，亦唔知大J係邊個，到最後佢只想上台攞番尊嚴！大J同Steven對戰三回合，大J一直進攻，後來雙方明顯力有不繼，不過大J一度擊打到令Steven跪地，但未有完全KO，Steven定過神就立即企起身繼續作賽，但最後仍不敵大J！輸家Steven接受賽後訪問時被問到攞唔攞得番尊嚴，Steven話：「呢啲要人哋講！」又表示自己已盡力去打；至於一度被大J幾乎擊倒台上跪在地，Steven話只係失平衡而非被打暈。

相信Steven比賽完終於有多啲時間陪屋企人，見Steven嘅老婆雯雯連環post出同老公去玩嘅相，而雯雯都一如以往咁支持老公，發出「愛的宣言」：「你喺我同兩個仔心目中已經贏晒！一切都唔重要。你嘅改變，真心有心嘅人係會感受到。五個月減咗五十幾磅，每一日見證住你唔食嘢不斷嘅運動，每一日都仲要堅持工作養屋企同埋照顧屋企，其實咁樣已經足夠！冇用心去了解、只係睇表面嘅人，根本無需要理會。你話佢唔好我偏偏話佢係最好嘅老公同爸爸！你永遠係兩個仔嘅偶像！」

唔少人都留言大讚雯雯係好老婆，話Steven娶到佢係好幸運：「最緊要有你支持，其他人唔使理」、「佢有個好老婆，加油，希望在明天」雖然Steven今次輸咗，但相信佢一返到屋企，見到有兩個可愛嘅囝囝、同埋永遠企喺佢嗰邊嘅老婆等佢，就咩都冇有怕啦！

圖片來源：INSTAGRAM