張致恒拳戰大J減磅仍未達標 超0.5kg即罰錢網民睇死冇得賠

由鍾培生（Derek）主辦的《培生擂台：無敵盃2021 WE ARE CHAMPS 2021》於本月18日開打，屆時除咗有「鍾林大戰」外，仲有Youtuber大J 對戰歌手藝人Steven（張致恒）嘅賽事。不過來到賽前最後階段，大J就大爆收到大會聯絡，問佢可唔可以臨時調高原先合約嘅70kg對賽體重，令佢大感不滿。

同場加映：【專訪】聲夢傳奇│炎明熹與父母分開生活促獨立 「長時間冇見面感情總會爭少少」

{{hket:ul-video id="4121"}}{{/hket:ul-video}}

{{hket:inline-image name="241313724_189278743301758_8062149971333686960_n.jpg"}}{{/hket:inline-image}}

大J為咗賽事，每星期都會花4-5日嘅時間狂操，而體重亦一直保持喺70kg。影片中佢透露懷疑大會臨時問可否調高賽事體重嘅原因係因為對手Steven：「我諗9成9係因為我對手疏於訓練，疏於練習就冇將體重降到70公斤。其實我哋係有5個半月嘅時間去準備呢場拳賽，佢當時報稱自己係81公斤，絕對夠時間降返去70，而家大會問我可唔可以將個體重調高嚟到打，即係佢唔到磅啦，佢唔到磅一來佢要罰錢啦之類等等嘅懲罰係必定會有。」

而大J表示要到賽前一日先會知道Steven的真實體重，強調自己絕不妥協：「因為最初合約寫明係70公斤就係70公斤，我絕對唔會配合佢呢樣嘢。」唔少網民都贊成大J嘅做法，更指Steven減唔到磅係唔尊重賽事，亦有人質疑佢到底有沒有錢賠：「減下肥都唔得認真失敗！」拳賽主辦方指Steven嘅體重的確未達標：「但未到17號仍係未知數。至於會唔會懲罰，由於涉及合約內容就不方便透露。」如果按「鍾林大戰」嘅合約，超重0.5kg就要罰成萬蚊，真係好甘呀！

Steven日前開post反擊：「要兼顧工作及照顧家人，訓練確實係唔足夠，減20kg係好辛苦，好疲累，堅持住！一直都係依照拳賽指標減磅，冇要求任何人遷就甚麼，做好本份就好！ 好多謝老婆、教練、團隊嘅支持同埋包容，18號見！」真係祝福佢呢幾日可以極速減磅。

圖片來源：INSTAGRAM