《愛•回家》「朱天梯」榮升爸爸 梁証嘉：陪產時緊張到差啲爆血管

在《愛•回家之開心速遞》飾演朱凌凌哥哥朱天梯的梁証嘉，前日在情人節宣布榮升新手爸爸，太太誕下B仔小Jacob。梁証嘉陪伴太太生產，深感為人母親的勇氣和堅強，他接受本報訪問時感動說：「唔知點解，我一聽到BB喊，我啲眼淚就流出嚟。」

梁証嘉在《愛•回家》飾演律師朱天梯，他上載一家三口在產房的合照說：「情人節收到最好嘅禮物，就係多咗一個爸爸嘅身份。」相中梁証嘉抱住B仔，雖然戴住口罩，但眼神難掩興奮和喜悅；他亦分享囝囝Jacob向鏡頭單眼的照片，還肉緊問網民︰「小Jacob似唔似我？」他留言道：「喺陪產僅有嘅15分鐘，見證到梁太嘅勇敢，同埋體會到世上各位女士嘅勇氣同堅強力量！生BB真係一啲都唔簡單，我好慶幸成個過程都好順利，仲有好多好多嘅人幫我哋！」

梁証嘉感謝太太及醫護人員等，並寫道：「歡迎各位爸爸媽媽同我分享湊仔經，等我未來呢幾個月唔使咁手忙腳亂。#個心忐忑左咗九個月#我陪產嘅時候血壓飆升緊張到差啲爆血管」。飾演朱凌凌的吳偉豪留言說：「阿哥恭喜晒！BB要快高長大啊！」梁証嘉回應本報，笑言一見BB出世即感動落淚：「唔知點解聽到佢（BB）喊嗰一下，眼淚就自己流出嚟。今日（昨日）先啱啱返到屋企，暫時覺得BB幾好湊，好似幾斯文，食飽就瞓，不過聽講呢個係噩夢嘅開始！」

董敏莉女兒後腦着地嘔吐

另外，董敏莉日前在社交網透露，其三歲半女兒莊子子在酒店浴室不慎跌倒後腦着地，嚇得夫婦第二天帶女兒看醫生，但開長途車回家途中，女兒突然嘔吐。董敏莉說：「子子話個肚唔舒服…隔咗一陣佢突然間嘔，嘔晒中午食嘅嘢出嚟，都幾多下，而我只能用手幫佢接住，佢勁驚又勁喊，我哋梗係更加擔心。」夫婦立即帶女兒去醫院檢查，幸好觀察48小時後無大礙，加上女兒回家後精神奕奕，更化身小家務助理幫手洗碗，董敏莉才放下心頭大石。

撰文：Iris

美術：梁政敏