人氣男團MIRROR成員柳應廷（Jer）日前推出新歌《MM7》，MV大玩四個玩味造型，展現Jer不同的內心世界。Jer在MV中嘗試多個第一次，包括戴有色隱形眼鏡及gel甲，令他大呼好玩。
柳應廷推出最新派台作品《MM7》，歌名意解「好正」，源於「正」字的速成碼是「MM7」。新歌MV前晚首播，Jer轉換四個造型，如音樂狂人、未來兒童等，Jer表示四個造型都代表着自己︰「除咗大家平時睇到嘅Jer，另外三個代表咗我嘅內心世界同性格，我好想話畀大家知，就算內心存在唔同嘅自己，都要同佢哋共存，唔好因為人哋嘅目光而拒絕做自己。」
姜濤正式拍劇
Jer於MV中嘗試了多個第一次，包括戴有色隱形眼鏡及gel甲，「因為不停轉眼粧，髮型亦要有少少唔同，所以每個look都花咗好長時間去整，感覺就好似特技化粧一樣。」
另外，新年假期過後，一眾MIRROR成員都各自返回工作崗位，其中姜濤、呂爵安（Edan）及邱士縉（Stanley）正式開拍ViuTV劇集《季前賽》。而日前MIRROR宣布本月將會為鏡粉帶來四個驚喜，短片似乎暗示陳卓賢（Ian）及盧瀚霆（Anson Lo）將出新歌，江𤒹生（AK）與王智德（Alton）亦將推出合唱歌，而最矚目的相信是首次出單曲的李駿傑（Jeremy）。
而Edan有份拍攝的賀歲片《闔家辣》上映無期，他與吳君如昨早接受商台節目《早霸王》訪問，期間Edan大爆小秘密，原來他小時候經常浪費學琴錢，他說︰「阿媽成日迫我練琴，我就趁佢接阿妹放學，嗰陣開始話練琴，到佢返屋企就話練完，但其實我去咗打機。有時喺房練小提琴，阿媽話無聲，我就呃佢話練緊指法…最後我考到試都係因為符碌，哈哈！」
撰文︰Pauline
美術︰梁政敏