批黃柏高擅改楊千嬅歌名 黃偉文︰離題到爆又老套

黃偉文（Wyman）多年來為無數歌手填詞，創作不少膾炙人口的歌曲，全是其心血之作。惟日前Wyman在社交網點名批評有「金牌經理人」之稱的黃柏高（Paco），指Paco不尊重創作人的心血。Wyman在帖文中寫下兩句楊千嬅《MR.》的歌詞「可想過你那弱點就是我剛剛想要」，並說︰「依家個歌名叫《MR.》，離題到爆又老套，只不過係Paco旗下好多好多首粒聲唔出，自己求其改個歌名，到出咗街我先知嘅歌之一。其實問下我先都係一個電話啫，又有幾難呀。」

Wyman表示身為填詞人，對每一個字都執着：「唔好立亂改我啲嘢，更何況係歌名。呢啲咪叫唔尊重囉，所以唔好郁作家嘅心血，否則真係記你一世。」