難忘女兒一餐煮光全屋燕窩 薛家燕︰食足兩個月

薛家燕主持的節目《新春開運王》，今晚播出一集請來燕窩達人Sam哥，教觀眾揀燕窩。說到燕窩，家燕姐憶述女兒石祐珊曾試過將全屋的燕窩一次煮光，她說︰「有一年我生日，嗰時女兒珊珊好細個，佢可能見媽咪做嘢辛苦，諗住煮燕窩畀我食，點知佢裝畀我嗰碗燕窩，啲燕窩多到好似食緊燕窩羹咁，原來佢將我全屋嘅燕盞一次過煮晒，嗰時買都要幾萬蚊㗎！我足足食咗兩個月！雖然係咁，但個女都係錫我，所以我心都甜。」

在節目中，燕窩達人Sam哥又介紹有「秘魯人參」之稱的馬卡，Sam哥指馬卡對男性十分有幫助，如果想生小朋友一定要試。恨再抱孫的家燕姐聞言，便二話不說買了兩盒，Sam哥豪氣道︰「家燕姐買兩盒，我送兩盒！」