曾志偉如廁遭「人棄王」突襲

無綫全新綜藝節目《七線人棄王》將於本月15日首播，節目是由一班自命「七線」的藝人擔大旗，包括「角色死亡率高達100%」的陳俊堅、「演出作品超過100套、但對白未必夠100字」的鄭雋熹、「古惑仔專員」程浩駿、「御用禮儀先生」林浩文以及「永遠的舞男」姚宏遠。節目中，他們直搗男廁向總經理曾志偉埋手，在志偉繁忙之時，拿出計劃書大sell特sell，志偉雖然嚇一跳，但當看到五人有誠意兼有創意，馬上爽快答應支持開拍《七線人棄王》，而林盛斌與張振朗為撑「人棄王」，更扮鬼扮馬上陣，相當惹笑。

問到五人sell節目的過程是否反映現實？他們說：「其實係綜藝科高層留意到我哋本身有拍片放上網，就叫我哋見面；本身想我哋做《勁歌金曲》其中一個環節，後來直情話畀個節目我哋試下，問我哋得唔得，我哋梗係話得啦！」他們特別多謝公司給予新人機會。