14場舞台劇延期 黃子華安慰粉絲︰我哋會再見

因應疫情變化，政府前日宣布收緊防疫措施，黃子華與潘燦良合演的舞台劇《最後禮物》原定今日公演，大會亦宣布由今日至本月22日的首14場將會延期。子華前晚在FB上載自拍片段，片中的他身在表演場地後台，他無奈說︰「睇下我基本上已準備好，估唔到發生呢啲事，唉。大家加油，我哋睇下何時再會！」他又留言︰「我哋仍然繼續努力綵排。我哋係會再見嘅。我深信。祝大家身體健康！」

另外，子華主演的賀歲片《飯戲攻心》定於下月上映，雖未知屆時會否疫情影響，昨日子華轉發《飯戲攻心》最新宣傳片，並留言︰「希望呢個順順利利順利順利（回音十萬次）。」