陶大宇1.22強勢返港會粉絲

現年58歲的陶大宇早前憑「水撥式」台風獻唱《倒轉地球》而在網絡爆紅，繼獲邀到澳門出席聖誕活動後，日前又舉行網上直播演唱會，人氣一時無兩。而大宇近日落實本月22日現身觀塘某商場出席賀年活動，屆時除了與粉絲大玩遊戲，大宇更會高唱其飲歌，與「陶寶」（粉絲）喜迎虎年。

大宇昨日特意錄片表示︰「好耐無見喇，最近好多朋友都好關注我嘅歌唱事業，話樂壇欠我一個交代喎，其實我唱歌跳舞都係為咗搞氣氛嘅啫，最緊要就係你哋開心，如果想野生捕獲我，一齊倒轉地球？又唔係話無機會㗎喎！農曆新年就快到喇，喺1月22號下午三點鐘，我會去到apm同大家一齊倒數，仲會睇下有咩打卡地點，同大家行個大運，到時見！」