中環冬日嘉年華 經典遊戲+浪漫燈飾

今個冬日其中一項大型活動就有中環AIA Vitality公園舉辦的「冬日摩天輪」嘉年華，有齊經典攤位遊戲及市集，是除夕、元旦值得一去的打卡玩樂點。

每年於中環海濱的香港摩天輪及AIA Vitality公園，都會舉辦大型的嘉年華歡度佳節，今年嘉年華就以「冬日摩天輪-夢幻聖誕之旅」為主題。活動重點之一，當然是一系列人氣經典攤位遊戲，雖然規模比以往的細，但貴精不貴多，包括有牛奶樽、射籃遊戲、碌保齡球樽等，大人細路都啱玩。而且有超過30萬隻可愛毛公仔獎品，包括有迪士尼的小熊維尼及跳跳虎、Marvel的蜘蛛俠及美國隊長，以及是《怪獸公司》的毛毛及大眼仔等，大獎的公仔更超級巨型，不妨來試試運氣。

親子齊玩機動遊戲

以往的機動遊戲會偏向刺激型，今年的則走親子好玩路綫，有旋轉木馬、懷舊碰碰車及大型充氣滑梯等，均會以璀璨閃爍燈飾點綴，於黃昏及入夜後特別浪漫，隨時可打卡呃Like，最適合情侶放閃。

美術︰梁政敏