《拳王》收視再創新低 朱敏瀚騷肌救狗搶Fo

無綫台慶劇《拳王》陣容強勁，除了由三屆視帝黎耀祥主演，張振朗、許家傑及客串的譚俊彥都大方騷肌，為劇集「搏到盡」。不過《拳王》自播出以來，收視一直未如理想，上周收視更跌至15.7點，暫成TVB史上收視第二低劇集；而在昨晚一集中，朱敏瀚亦加入騷肌行列，未知能否挽救收視劣勢？

《拳王》昨晚劇情重點落在江家晴（蔡潔飾）及石子聰（朱敏瀚飾）的感情綫上，雖然家晴一直對子聰的追求視而不見，但由於子聰愛心爆棚「英雄救狗」，又處處為她着想，令原本暗戀海正藍（張振朗飾）的家晴，心意有所動搖。在「英雄救狗」一幕，朱敏瀚曬出一身強橫肌肉，非常吸睛，他透露與振朗一年前已一起開始操練︰「因為想喺呢套劇入面展現不一樣嘅自己，希望觀眾見到我哋真係有為角色努力過。」

拍攝時，朱敏瀚與蔡潔的互動似乎相當尷尬，蔡潔笑言︰「佢哋喺劇入面成日騷肌，我已經盲目咗。初初唔熟真係會同佢哋有距離感，佢哋班男仔好friend，成日互相檢查肌肉，我唔夠膽同佢哋一齊玩。」另外，狗狗演員也帶給二人無限驚喜，朱敏瀚表示︰「其實狗狗算好合作㗎喇，只係因為劇情需要，我成日要摸佢大髀內側，我每次摸佢都會趷起，咁都好正常嘅，人都會有咁嘅反應啦。」

撰文︰Crystal

美術︰梁政敏