肥媽扁嘴「撒嬌」𠱁李思捷

由李思捷主持的遊戲節目《思家大戰》昨晚播出第14集，肥媽率領契仔陸浩明（六號）及李麗霞（黑妹）及徐文浩（Fred）等人組成「巨肺隊」參賽。肥媽介紹Fred出場時，竟大爆對方叫「七號」︰「六號成日話想要個細佬吖嘛，咁Fred唔介意咪做咗七號囉。七仔幾好吖，周街都係！」

為了以整齊隊形撑思捷場，肥媽花了兩個月時間訂造有自己「嘜頭」的隊服。玩遊戲玩到興起的肥媽，多番向思捷「撒野」兼「撒嬌」，雖然二人老友鬼鬼，可惜思捷依然「無情講」，氣得肥媽扭計揼地兼扁嘴，娛樂性十足。