《拳王》收視未如理想 張振朗：要做已經做盡

張振朗及許家傑等昨日宣傳台慶劇《拳王》，雖然二人為劇集瘋狂操肌，相當刻苦，但劇集收視未如理想，第二周平均只得16.1點。振朗坦言以順其自然的心態面對收視，只望給觀眾新鮮感。

提到明晚的《拳王》將播放張振朗與許家傑對決的場口，振朗昨日大讚對手：「呢場戲唔止打拳咁簡單，家傑真係好大隻，身形又高過我。」家傑聞言笑說：「邊個最大隻？心照啦！」家傑表示為《拳王》減脂操fit，振朗則需要增肌，家傑說：「譚俊彥每日跑10公里，但係我真係效法唔到佢，一個禮拜只能夠跑四日。而且我要健身，都幾辛苦，雖然我學過兩、三年泰拳，但只係BB班。」談到角色跟「送水輝」性格完全相反，家傑說：「依家喺街好多人見到我，就同我講劇中金句『一拳幫我打爆佢』，我都覺得好好笑。」

許家傑撑神劇靠口碑

至於振朗自言除了打拳戲外，最難忘要玩滑翔傘，「拍嘅之前我從來未玩過，而且仲要自己揸部cam拍，加上有時間限制，原本要拍20分鐘，因為風力影響快咗着地，得番五分鐘要做晒場戲。拍攝過程都幾辛苦，希望觀眾留意多啲。」另外，提到《拳王》收視暫時未能突破17點，家傑笑說：「通常神劇都係要靠口碑開始，之後再吸引觀眾睇番套劇。」而振朗則表示無失望：「我要做嘅已經做盡，今次由自己好瘦到練到好大隻，希望畀到觀眾新角度同新鮮感。」

採訪：Pauline

攝影：林良明

美術：梁政敏