應智越想簽《造星IV》滄海遺珠

應智越（細貓）昨日到Mikiki為《ULTRAMAN超人體驗館》揭幕活動任嘉賓，細貓坦言去年因疫情肆虐致收入大減，幸好今年工作大增︰「上年真係零收入，今年希望繼續多啲唔同工作。」細貓正參與hmvod選秀節目《敗者重生戰》，但因韓國近日疫情嚴重，原本到當地受訓的計劃亦泡湯。他說︰「聖誕期間，我哋八個入圍者本來去當地拍攝，但韓國疫情爆發，節目組已經擱置咗。」

問細貓可有留意《全民造星IV》？他說：「有睇一啲表演片段，如果我公司有budget，都會同partner傾，簽一啲新人。」他希望幫助有夢想及潛質的新人，期望推動樂壇。