摘銅港乒女將 首戰緊張「全身震 」

香港乒乓球女將李皓晴、杜凱琹和蘇慧音，早前於東奧勇奪團體賽銅牌。3人接受馬會刊物《駿步人生》訪問，自言彼此性格迥異，有緊張大師，有愛哭鬼，亦有宅女。蘇慧音3歲半已受訓，「沒有不懂打乒乓球的記憶」，但因疫下一年半無比賽，奧運首戰緊張得「全身震」。佢話奧運路上曾遭質疑未必可以奪標，但佢相信只要有熱誠同用功，最少可以獲得美好嘅人生經歷。

杜凱琹亦指，過去愛與選手交換襟針，但疫情下嘅東奧卻緊張得不想有娛樂，最終「一個都無換」，而佢雖然係隊中嘅愛哭鬼，但亦係窩心達人。阿蘇笑指，阿杜每次比賽前一晚，必定會發短訊關心隊友。

3戰奧運嘅皓晴則係隊內智囊，隊友盛讚佢聰明，但佢本性愛「宅在家」，最想陪伴家中嘅13歲貴婦狗，畀人笑佢係「愛回家」。