直認有戲癮 梁洛施︰囝囝想我拍超級英雄戲

由許鞍華執導的新片《第一爐香》前晚舉行首映禮，久未亮相幕前的梁洛施（Isabella）亦有份參演，成為全場焦點。已為三子之母的Isabella身形依然fit爆，並直言有戲癮，似乎為復出做好準備。

梁洛施久未在幕前亮相，前晚現身《第一爐香》首映禮時，特意跟觀眾說︰「好耐無見，希望大家喜歡呢部作品。」Isabella受訪時透露許鞍華導演曾多次斟洽拍電影，但她都一一推掉，直到這部電影才答應，「之前推過幾次真係唔好意思，嗰時因為未ready好，加上唔喺香港，直到兩年前導演再搵我，我就同佢講好有興趣拍戲。」Isabella坦言一直都有戲癮，並說︰「有幾個劇本睇緊，啱嘅都會拍。（三個囝囝可有演戲細胞？）一啲都無，佢哋反而比較鍾意運動，但佢哋好想我拍superhero（超級英雄）嘅戲，咁我都好想嘅。」

提到Isabella早前與朋友行山時收養了流浪貓，她表示是人生第一次養寵物，感覺有如「湊BB」，她又希望透過養貓培養小朋友的愛心。

秦沛讚女兒表現好

另外，同場的秦沛（Paul哥）已一段時間不在港，他表示因疫情關係，之前一直留在上海，幸好當地有不少朋友如蔡少芬、劉嘉玲等，一起相約食飯，他說︰「不過好掛住屋企，我都已經兩年無見太太啦。」對於女兒姜麗文最近在《愛‧回家之開心速遞》中飾演菲傭，表現獲劇迷力讚，Paul哥也有留意女兒的演出，並指她是從家中的菲傭姐姐學習菲律賓口音。

採訪︰Pauline

美術︰顏玉玲