被要求改《無賴》歌詞 鄭中基事隔多年無再嬲TVB

早前鄭中基（Ronald）自爆被無綫要求改《無賴》歌詞，他憤而不再亮相TVB，但就被網民質疑事後仍擔任《美女廚房》主持。Ronald昨日出席活動，澄清當時有合約在身，但事隔多年已不再嬲TVB，但問到雙方會否再合作，Ronald即以「無期」來回應。

鄭中基、森美及強尼昨日出席期間限定店活動，大談「湊仔經」，Ronald表示仔女開始長大，開始擔心他們進入反叛期，他笑說︰「怕有咁耐風流…因為我當年最鍾意挑戰屋企人底綫，愈唔畀做嘅就偏要做。」Ronald又自爆兒子剛升讀小一，已有不少「女朋友」，但幸好兩父子仍會談心。

另外，Ronald早前表示不滿被無綫改《無賴》歌詞，憤而不再亮相TVB，但其後有網民質疑他擔任《美女廚房》主持，他帶笑解釋︰「當時仲有合約在身，我嘅意思係自從無咗唱片公司同經理人公司之後，我就無再上去。」Ronald直言事件發生已久，已沒有再嬲TVB，亦不覺得尷尬；惟問到如果TVB再邀請合作？Ronald則直言︰「短期內我都無期喎！」

森美爆10年前已賺夠退休

而同場的森美和強尼談及家庭樂，他們都稱很享受揸車接送仔女返學，森美說︰「個女一上到車就瞓覺，其實都無乜傾偈時間，不過我都仲可以有機會去『追』番個女。」森美又表示疫情下多了家庭生活，現時會與老婆學打保齡球、羽毛球等，他更自爆十年前已賺夠錢過退休生活，強尼即大表羨慕。

採訪︰Pauline

美術︰梁政敏