Häagen-Dazs™夥櫻桃小丸子 推限定雪糕火鍋

Häagen-Dazs™每年冬天都會推出令人驚喜嘅雪糕體驗，黛安知道，佢哋今年首次同《櫻桃小丸子》合作推出連串主題產品，如限定版雪糕火鍋、雪糕蛋糕同冰袋等。今次新款雪糕火鍋有3款套裝選擇，每套有4至8種口味雪糕球，仲設有全新焦糖蘋果朱古力醬，令人一試難忘；櫻桃小丸子雪糕火鍋就以小丸子、野口同學及花輪同學嘅樣設計，立體造型火鍋爐趣致獨特，用完仲可以收藏㖭。

Häagen-Dazs™亦推出咗3款唔同造型嘅小丸子冰袋，各附有2件指定口味脆皮雪糕批及10件指定口味迷你雪糕杯，下月13日或之前使用DBS信用卡預訂小丸子火鍋，更可享9折早鳥優惠。