跳唱險甩裙 陳凱詠感激何啟華英雄救美

「宇宙天團」ERROR前晚與陳凱詠（Jace）等舉行音樂會，眾人演出時意外頻生，其中Jace更差點發生甩裙意外，幸得何啟華（阿Dee）英雄救美。Jace騷後一度激動落淚，希望12月舉行個唱時有更好表現，並期望能邀請阿Dee做嘉賓。

ERROR、岑寧兒、鄭欣宜及陳凱詠前晚假九展Star Hall舉行《Chill Club The New Vibes》音樂會，期間ERROR成員何啟華、吳保錡相繼唱出《相依為命》、《海闊天空》等；而郭嘉駿（193）就自彈自唱《我的快樂時代》，並首度演唱solo新歌《再次puppy love》，但卻甩嘴失準。

及後Jace跳唱《天生二品》時，因短裙甩了鈕扣，險些走光，阿Dee見狀即拿着外套上台，為她解圍。提起驚險一幕，Jace不禁落淚，並感激阿Dee英雄救美，笑問Jace是否非他不嫁？Jace笑言︰「佢又無話要娶我。」她直言對演出失望，對於與阿Dee的合唱未能如期表演，Jace大感可惜，並期望12月舉行的個唱能邀請對方做嘉賓，重演苦練的成果。

193強調與Dee姐是朋友

完騷後ERROR受訪，英雄救美的阿Dee表示︰「基本嘢啦，如果換轉我有事佢都會救我，但其他兄弟就唔會啦，只會踩多兩腳。」另外，問193演出甩嘴一事，他解釋︰「當時真係有啲緊張，大家見到我手震，其實因為我隻手指受傷，而彈琴嘆氣係演技嚟。」身旁的梁業（肥仔）即笑他心虛。

談到193早前於網上平台節目中爆喊，問他是否因與緋聞女友陳海寧（Dee姐）分手而感觸落淚？他強烈否認，並重申︰「我不嬲都話同Dee姐係朋友，無拍過拖。（點解爆喊？）其實係因為唱《我的快樂時代》，每次唱呢首歌我都會喊，都唔止一次㗎啦，所以大家聽到我嘆氣，其實係扮緊喊。」

採訪︰Pauline

美術︰梁政敏