孖「斷蟹」鄭中基還原《行運超人》 練美娟Chok酒凹激似杜麗莎

鄭中基（Ronald）在03年電影《行運超人》飾演玄學家「斷蟹」一角深入民心，最近他與練美娟（娟姐）獲外賣平台邀請，重新演繹《行運超人》中「斷蟹」與「葉太」（杜麗莎飾）的戲份。娟姐扮杜麗莎形神俱似，尤其圓圓面珠及酒凹，網民大讚「第一眼真係以為杜麗莎」，令娟姐開心說︰「call me杜麗娟！」

鄭中基與練美娟在廣告中重現《行運超人》中，「葉太」出題考驗「斷蟹」一幕，Ronald重現「斷蟹」式口音，喚起網民集體回憶；而娟姐神還原「葉太」的誇張髮型及濃粧後，竟然激似杜麗莎，表現令人眼前一亮，網民笑指似到十足十之餘，大讚娟姐「連少少廣東話唔正嘅口音都學埋」。《行運超人》的監製、編劇、導演兼演員的谷德昭亦留言︰「好掛住電（斷）蟹。」Ronald回應說︰「過時過節拍套電蟹典劇（斷蟹短劇）都唔係唔得㗎！」

照鏡時忍不住笑

娟姐接受本報訪問，笑言拍攝前特地重溫《行運超人》，「我加加埋埋都睇咗成百次，首先多謝化粧髮型服裝嘅同事幫手，造型真係幫我加咗好多分，一秒入戲；我亦好多謝媽咪生咗粒酒凹畀我，令到我可以chok返Teresa（杜麗莎）嗰粒，令模仿度更高。」她笑言拍攝時經常忍不住笑︰「因為我覺得自己個造型實在太黐綫，每次見到塊鏡都忍唔住笑！模仿對象係Teresa前輩，然後對手又係Ronald，我真係又期待又擔心，其實以往身邊都有人講我媽咪似（杜麗莎）。」

撰文︰娛樂組

美術︰梁政敏