林子博移英返新工做主持

林子博早前帶仔女移民英國，並開設YouTube頻道分享新生活，由於子博仍未找到居所，子女亦因此未找到學校，一度被網民誤會他未做足準備就出發。子博在最新片段中透露已返新工，在一間地產公司任職市場推廣及直播主持︰「其實呢份工唔係過到嚟先搵，我喺香港時一路同呢間公司傾緊，半年前大家已經傾合作機會。」

子博拍攝首日駕車返工的過程，又表示自己透過喬寶寶認識地產公司老闆︰「大家傾下傾下就叫我過嚟，話可能有合作，人未到、visa都未出就已經有工做，好開心，個人定咗好多。」