炎明熹姚焯菲 未成年無得拍咀戲

無綫《聲夢傳奇》學員炎明熹（Gigi）、姚焯菲（Chantel）、鍾柔美（Yumi）及冼靖峰（Archie）等，昨日到九龍塘一所學校出席青春歌舞劇《青春本我》拜神儀式，眾人身穿校服亮相，無綫高層曾志偉、樂易玲、王祖藍及何麗全均到場支持。首次拍劇的Gigi透露心情緊張，問她在劇中可有感情綫？她搞笑說︰「可能我同Chantel會有（感情綫），好似有喊戲，都少少驚喊唔出，相信導演會幫我。」至於咀戲，Chantel指因她們未成年，相信不會有親熱鏡頭，「編劇知道我哋第一次拍劇，都唔會畀好難嘅角色我哋，都係做番自己。」談到Gigi跟韓劇《魷魚遊戲》中的「木頭人」撞樣，Gigi認為雙眼及齊蔭最似；提到她亦跟卡通片《櫻桃小丸子》的野口同學撞樣，她笑說：「我諗都係因為髮型。」

同場的Archie踢爆Yumi拍劇時狂NG，Yumi即為自己平反︰「我哋唔係好慣面對鏡頭，又要拍情緒戲，所以有啲NG，但我無數到NG咗幾多次，因為我太專注喇。」Archie坦言群戲企位最難掌握，「好容易講一兩句對白就踏前咗，遮住後面嘅演員，同喺台上唱歌好唔同。」

採訪︰倪小珊