剪金毛短髮出寫真 張沛樂撞樣男友保錡

張沛樂（沙律）、郭奕芯及趙善恆等前晚出席新片《#PTGF出租女友》首映禮，沙律以一頭清爽短髮示人，她自言出道以來都留長頭髮，最近因拍攝處女寫真集而轉形象，「以前形象斯文，但網民話我一開聲就破功，新髮型襯番我嘅性格。」

沙律的金毛髮型跟ERROR成員、男友吳保錡十分相似，甚有夫妻相，她聞言甜笑說︰「好多朋友都話我哋個look，同埋講嘢節奏都好似，不過我哋身形差好遠！」但她強調沒有刻意跟保錡塑造「情侶裝」。前晚中秋節，沙律單拖現身睇戲，未見保錡捧場，她坦言︰「公司唔畀呀，活動後先同佢團圓。」