重提與滕麗名分手 魏駿傑爆去年離婚想自殺

魏駿傑日前接受車淑梅電台節目《舊日的足跡》訪問，去年與前妻張利華離婚的他，直言當時非常難過︰「我要去睇心理醫生，離婚、封關，有一年半時間係零收入。我諗過自殺，但個女救番我，因為我諗到佢唔可以無咗我，我就將隻腳踏番落嚟。」他又直認並非滿分老公︰「離婚係因為人會變，我變得太離譜，淨係掛住湊女而忽略咗佢（前妻）？就當係啦，大家好落台。」

至於魏駿傑另一段最為人熟悉的戀情，正是與滕麗名在《陀槍師姐》中戲假情真，可惜二人拍拖九年後分手。他說︰「我哋拍拖九年都無結婚打算，後來忽然唔知點解大家無咗感覺，好似結咗婚90年…佢好紅，一定紅過我，佢愈嚟愈紅，我就愈嚟愈避，所以我就let go，唔好害咗佢。」他坦言傷害了滕麗名︰「係我配唔起佢，依家佢成為朱太，見到人哋幸福，我好開心！」