湯洛雯黃嘉樂拍床戲馬國明嗌加油

湯洛雯（靚湯）、黃嘉樂、張寶兒及蘇皓兒等，昨日出席無綫新劇《OPM》開鏡儀式。靚湯與嘉樂飾演夫妻，更有火辣親熱戲。其實嘉樂與靚湯男友馬國明份屬老友，今次嘉樂與「阿嫂」拍床戲，被靚湯踢爆有點緊張。靚湯又指床戲只是夫妻間正常親熱︰「只係意識形態，劇集講我哋會離婚，之後我去色誘黃子恆。」

二人認為男演員拍床戲會較尷尬，靚湯說︰「拍攝前嘉樂都禮貌問我，可唔可以錫我塊面。」嘉樂笑言拍攝前已向馬明備案︰「馬明仲傳短訊叫我加油！」同場的張寶兒扮演財經記者，現實中的她原來是「股后」，讀中三時已投資美股︰「投資嘅本錢讀書時儲返嚟，自細爸爸就教我哋要儲錢。」

攝影︰林良明