「豆粉」讀信打氣 ANSONBEAN死忍眼淚

樂壇新人陳毅燊（ANSONBEAN）近日忙於拍戲和錄製新歌，但仍抽空舉行粉絲見面會，答謝一班由他參加《全民造星III》開始支持至今的「豆粉」。ANSONBEAN當日載歌載舞，又與豆粉大玩遊戲，而豆粉們亦剪輯一條短片送給偶像。

片段中，有豆粉讀出寫給偶像的信，令坐在台下細心聆聽的ANSONBEAN感動不已，他強忍淚水哽咽說︰「其實睇到中段有啲眼濕濕…諗番起比賽（《造星III》）到依家，你哋每一個鼓勵，每一次出event大家都嚟支持，好感動，亦無諗過我每一個IG post，可以令大家開心，可以互相影響，多謝你哋過去一年嘅支持、陪伴。」