首次拍劇大感緊張 ANSONBEAN想操6嚿腹肌

陳毅燊（ANSONBEAN）及魏浚笙（Jeffrey）昨日出席ViuTV新劇《i.Swim》開鏡儀式，首次拍劇的ANSONBEAN直言心情緊張，在劇中有游泳戲份的他要操靚身形，ANSONBEAN說︰「依家要食多啲，操到一嚿變六嚿（指腹肌）。」至於同樣首次拍劇的魏浚笙（Jeffrey）透露自己飾演天才學生，無論讀書或運動都十分厲害，正努力操肌的Jeffrey表示︰「暫時有四嚿腹肌，目標係六嚿，但我覺得自己一定無可能有八嚿。（演天才學生可有壓力？）每個角色都有壓力，但開心可以試唔同嘢。」

至於同場的吳海昕飾演老師，談到劇中被一班男學生圍住，她笑言自己讀中學時並非校花︰「我嗰時箍牙又戴好厚嘅眼鏡，喺呢套劇有好多男仔圍住我，一圓當年心願。不過我只係做佢哋老師，同佢哋做心理輔導。」