黎諾懿自爆帶小春雞逃學

黎諾懿昨日出席教育活動，提到現年四歲的兒子黎峰睿（小春雞），諾懿竟自爆經常帶囝囝逃學：「因為我想個仔學習多啲書本上學唔到嘅嘢，依家個仔四歲，我覺得佢學嘢快過好多同齡嘅小朋友。疫情之前會帶佢去旅行，返學咪好似part time咁囉。」他指現今人與人之間的溝通及創意十分重要：「讀書最重要係學習分析、邏輯同語言，好多小朋友讀書叻但唔識溝通，20年後科技更先進，但創意唔會被電腦取代。」

諾懿指小春雞就讀國際學校，學校主要以溝通、合群等標準來評分：「國際學校無乜功課，反而個仔會要求媽咪買練習畀佢做。求學不是求分數，我由細被打到大，迫都迫唔到分數，我唔想個仔有陰影，所以畀佢自由發揮。」

採訪：Pauline

攝影：林良明