老公郭可頌生日 熊黛林與孖女送生日卡驚喜

熊黛林（Lynn）前晚為老公郭可頌慶祝生日，跟雙胞胎女兒Kaylor和Lyvia一家四口在家慶祝。Lynn昨日在IG發放溫馨合照，並留言︰「有甚麼比一家人健健康康、開開心心更重要呢？生日快樂老公！」

Lynn表示︰「我哋無出街，只要一家人齊齊整整，簡單咁食餐飯都已經好開心。」問到送甚麼禮物給老公？Lynn笑言希望保持神秘感，但透露有跟女兒炮製驚喜，她說︰「我同囡囡第一次合作整咗張生日咭，兩個女負責畫畫，大女畫一艘船，細女就畫個心，但畫到亂七八糟，睇唔出係畫咩，但好有心思；我就曬咗一啲家庭開心相，老公收到都好感動。」