何啟華牛一 花姐隔空送「肉嘴」

男團ERROR成員何啟華（阿Dee）昨日踏入31歲，昨晚他在IG發布限時動態，戴上墨鏡兼包冚全身的他寫道︰「生日要低調啲，多謝所有祝福！」至於ERROR經理人黃慧君（花姐）前晚與梁業（肥仔）及姜濤開工，身為ERROR隊長的肥仔特別拍片隔空送上生日祝福，更踢爆阿Dee一直恨做ERROR隊長。

肥仔叫花姐畀機會阿Dee做隊長，花姐在鏡頭前隔空獻吻兼大開玩笑︰「讓個隊長畀佢？唔好啦，讓畀姜濤啦，姜濤入ERROR！」正在化粧的姜濤卻闊佬懶理，只表示已親手造生日蛋糕送給阿Dee：「下年記得還番蛋糕畀我。」另外，阿Dee的粉絲「羊群」們購下巴士站廣告燈箱賀偶像牛一，更以阿Dee名義向慈善團體「香港群貓會」送上貓罐頭金字塔。