林二汶開慈善騷助流浪貓狗

林二汶今晚舉行網上慈善音樂會，籌得善款將捐贈予兩間慈善機構，其中一間是專門拯救被遺棄動物的「大樹下善待動物庇護站」。二汶一向關注動物權益，她說︰「無論發生咩事、經營有幾困難，機構創辦人都一直堅持，絕對唔會放棄狗場、貓場嘅小動物，佢同義工對動物嘅愛令我好感動。」

二汶本身領養狗仔「四四」，她笑言︰「當你帶小動物返屋企第一日，就要確保佢唔好餓親、身體健康，同埋有個舒服嘅生活環境，唔好有事就遺棄佢哋…爸爸媽媽有時錫佢仲多過錫我。」二汶強調照顧小動物是一生一世的事，希望大家不要棄養。