馮寶寶為謝賢再登大銀幕

電影《殺出個黃昏》上周四公映，上畫五天錄得150萬票房，成績不俗。片中馮寶寶（Bobo姐）與賈曉晨的婆媳關係引起不少討論，身在馬來西亞的Bobo姐早前透過製作特輯大談對角色的感受，她坦言在拍攝過程中有不少壓力︰「我明白監製（林家棟）嘅要求，我亦好享受其他人對我嘅工作有要求，我好鍾意自己永遠仲有進一步嘅可能性。」

另外，Bobo姐明言《殺》片是演藝生涯中最珍視的其中一部作品，因為能夠與跨世代男主角謝賢再次合作，「我哋60幾年無見呀！上一次係我四歲半拍《連理枝》，當時我演男仔㗎，佢未抱霆鋒就抱我喇！我今次都係為四哥先拍！」Bobo姐又笑言︰「如果唔係跨到呢個世代，我都未夠斤両配做佢嘅女主角啦！」