龔嘉欣鍾意「借B」影相 羅天宇強調自己單身

羅天宇和龔嘉欣昨日出席代言的健康食品活動，天宇被問到舊愛苟芸慧盛傳與老公陸漢洋婚變，他透露與對方已多年沒有聯絡，亦不知道有關的婚變傳聞，天宇口窒窒表示︰「會關心下佢嘅，send個WhatsApp畀佢。（聽到佢婚變覺得可惜？）都唔知係咪真，人哋嘅事唔講咁多。」天宇又否認曾與戴祖儀和蘇皓兒拍拖，形容現在感情生活很dry。

而天宇和嘉欣在代言廣告中重演《香港愛情故事》情節，嘉欣更孭住假肚扮大肚婆，她笑言︰「佢哋笑我太瘦，戴假肚似肚腩仔，希望我好似陳凱琳（Grace）咁，陀B肥肚唔肥人。（做未婚媽？）最好逐個階段嚟，不過結婚同生仔同步都好開心。」她又透露每次跟「少婦聯盟」的好姊妹拍照時，都會「借」她們的子女合照，嘉欣笑指︰「佢哋每次都問我想借邊個，我最鍾意借Grace個細仔，真係好得意。」採訪、

攝影︰倪小珊