父女檔出活動 李元元鋒頭蓋過李璨琛

李璨琛（Sam）的女兒李元元（Lucy）是「BB界紅人」，昨日Sam帶同Lucy到銅鑼灣出席人偶品牌活動，不少「Lu粉」聞風而至，搶盡Sam的風頭。Sam表示不介意女兒搶鏡，而他早前完成內地工作，返港後日日夜夜都陪住囡囡，他笑言︰「佢日日要我帶佢修甲，又幫我油指甲。（父女檔工作可有興趣？）其實好多人搵過我哋，不過唔適合就推咗，都要睇成件事，時間唔可以太長，怕佢無耐性，好多時我搞佢唔掂，要媽咪先得。」

Sam又表示暫時不會離港，暫定九月中將拍攝一套港劇，他說︰「Lucy八月開學，都想第一日送佢返學，喺香港拍劇就可以收工返屋企，又多啲時間陪個女。（追多個？）有計劃嘅。」

採訪、攝影︰Pauline