羅子溢爆囡囡單眼放電冧死人

羅子溢（前名羅仲謙）昨日與麥明詩媽媽麥何小娟，到書展出席兒童書籍活動。子溢表示女兒「小珍珠」目前15個月大，他與太太楊茜堯（前名楊怡）正為囡囡學業頭痛︰「就嚟要報playgroup同揀學校，要安排啲節目，但我哋同自己講唔好覺得煩，因為小朋友係禮物，要樂在其中。」他笑指有時忘記了為女兒安排節目而激嬲老婆︰「我哋無嗌交，只係冷戰，不過我聽晒老婆話。」

他透露楊茜堯早前在內地拍劇返港後，暫時未有新工作︰「因為老婆好掛住個女，覺得之前因為做嘢錯過咗個女三個月嘅童年，返到香港個女試過唔認得阿媽，搞到老婆好hurt。」另外，他笑指「小珍珠」性格似自己︰「個女遺傳我啲古靈精怪，鍾意周圍聞嘢，佢又識單眼放電，又會用個頭掂你，好sweet。」至於再追第二胎，他笑言會盡力︰「（造人）要唔刻意先得，所以心態隨緣。」