戲曲中心開騷 黃凱芹拒絕歌迷送花舉燈牌

歌手黃凱芹（Chris）將於本周五（16日）假西九文化中心戲曲中心大劇院舉行一連三場《聽•黃凱芹2021》音樂會，因疫情提早返港的Chris，透露今次較以往有更多時間與團隊溝通及改編音樂風格，除揀選了較冷門的歌，亦有12人樂隊助陣，相信必定能帶給歌迷新鮮感。被問到嘉賓人選，Chris指自己的個唱從來不請嘉賓，他說︰「我驚欠人情，如果人哋開，我又未必身喺香港，咁就永遠還唔到人情債；第二，如果唱唱下突然停低去換衫，畀嘉賓出嚟唱歌，又唔知佢會唱咩歌，同你個氣氛夾唔夾。」

Chris又指自己是首位在戲曲中心大劇院舉辦流行音樂會的歌手，所以有種使命感，更叮囑粉絲們不要送花、禮物及舉燈牌。他說︰「如果喺大劇院舉燈牌，我覺得唔襯又會騷擾到人哋，但我絕對歡迎佢哋尖叫或者原地跳舞，唔想我第一次踩場，破壞咗人哋個規矩，同埋要提大家着靚啲。」

採訪、攝影︰倪小珊