陳秀珠爆兒子仍未知生父身份

現年62歲的陳秀珠（珠姐）接受無綫節目《單對單》訪問，珠姐21年前毅然未婚生子，她坦承做單親媽媽壓力極大︰「要照顧個仔、要工作、要靠工人姐姐啦，我媽咪一早走咗，所以阿仔以前成日奪命追魂call我。」形象硬朗的珠姐，談到近年與兒子的關係有改變時，她說︰「我以為我好強，咩都可以搞掂，原來小朋友係會覺得有缺失…係無得補償㗎。」她指兒子小時候不好奇父親是誰，但長大後想法不同，但珠姐依然對兒子父親身份守口如瓶︰「我覺得唔需要，佢（兒子）知道咗又點？全部無人知（父親身份），就算係親密嘅朋友。」

珠姐更自爆中學畢業後曾訂婚︰「當時十幾歲，男朋友要去外國讀書想定落嚟就訂咗婚。佢真係好好，但我唔好，我工作之後見到太多新嘢…呢段感情我係要同佢講對唔住，因為hurt得佢太緊要。」