兼任監製拍恐怖片 洪永城C君勁驚青

洪永城（Tony）及C君昨日以監製身份出席新劇《凶宅清潔師》的拜神儀式，首度任監製的Tony坦言有壓力，但幸好有C君互相扶持才比較放心。而身兼監製及編審的C君本身怕睇靈異場面，又坦言度完劇本後不敢揸車，「我做到凌晨收工，會叫老婆嚟接，佢一個人睇恐怖片都唔驚，所以佢係個指標，會代入觀眾身份去睇，所以無咩嚇到佢，佢連我都唔驚啦。」問到拍攝期間可有遇上怪事？二人齊聲表示劇集已拍了大半，幸好沒有怪事發生。

至於女主角傅嘉莉（Kelly）就表示曾遇到靈異事件，所以特別害怕，她說︰「洪永城知我驚，佢畀咗啲平安符我哋，之前睇師傅都畀咗好多護身符我，差唔多有10個。我喺劇中成日着sports bra，我就將啲符掛晒喺條腰入面。」她又稱劇集經常去荒廢學校、拆卸樓宇、軍營等地拍攝，她連去廁所或換衫都不敢關門，每日回家後更會用百解衣抹身，再跨火盤才進屋內。

採訪︰Pauline

攝影︰林良明