何遠東︰爸爸廚藝頂呱呱

何遠東跟父親的感情相當好，他對爸爸的廚藝一直讚不絕口，更經常於社交網站分享對方炮製的美食，他大讚︰「有時爸爸聽到我哋話好想食蝦餃、燒賣同腸粉，但疫情下唔可以一家人出去飲茶，爸爸為咗滿足我哋，就學整點心；有時我哋話想食脆皮燒肉，佢又會去學整，最近端午節佢甚至學埋包糭，總之佢令到成家人衣食無憂。」

不過何遠東小時候，亦因太頑皮而被爸爸教訓，「細個嘅時候我成日好食懶飛，試過有次爸爸放工返到屋企，見我坐喺度懶懶散散又唔集中精神做功課，一氣之下『炳』咗我一獲，但係我無怪責佢，反而令我知道原來自己都會有激嬲爸爸嘅時候，而我爸爸鬧完我之後，亦都覺得自己唔啱，翌日走去買雪條『補償』番，佢真係一個好好嘅爸爸。」何遠東稱雖然每年父親節讓大家有機會慰勞父親一年來的辛勞，但他寄語為人子女者，平日也要多多孝順父親：「我希望爸爸每日都快樂，開開心心過佢嘅退休生活。」